حل الفنان عمرو رمزي ضيفاً على برنامج "معكم"، الذي تقدمه الإعلامية منى الشاذلي، والمعروض عبر قناة "cbc".
وتحدث عمرو رمزي عن مواقف غريبة تعرض لها في البرنامج الذي كان يقدمه "حيلهم بينهم".
للخبر بقية في الأسفل.. ومن أخبارنا أيضاً:
شريف منير يتصدر التريند بـ هاشتاج طلق مراته في الضلمة.. ماذا حدث؟!
سمية الخشاب تتحدث لأول مرة عن اللقطات المحذوفة من برنامج رامز جلال ! لن تتوقعوا ماذا فعل واغضبها؟!
وقال: "كنت معروف وسط أصحابي ساعتها إني عايز أمثل.. اللي هو الراجل ده بيشتغل مخرج لحد ما يمثل".
وأضاف: "المخرج طارق فهمي كان بيعمل التجربة بتاعت حيلهم بينهم وكان بيسعى إنه يبيعه للقنوات.. فعملنا 3 حلقات وبعتوهم للجهة المنتجة بره مصر ووافقوا على طول".
وتابع: "قررنا نخترع فكرة إن فيه شخص بتجتمع فيه كل الصفات دي أناني وبيوجه الناس اللي في الأستوديو بدل المخرج ومتحكم في الأسئلة بدل إعداد البرنامج وبينتج بفلوسه وكل ده.. فتعامله مع الضيف بتاع بيكون رخم".
وواصل: "أكتر حلقة بتضحكني هي حلقة سامو زين.. هو نجم عاطفي فدخلت له من حتة عمليات التجميل وكده خليته يدخل في كريزة ضحك".
وأكمل: "محدش تجاوز من الضيوف سواء لفظيًا أو جسديًا.. لإني كنت بعمل عبيط قبل ما نوصل للمرحلة دي.. وشعبان عبد الرحيم من كتر ما استفزيته وكنت بقوله مصطلحات صعبة فقالي ما تقولي كلام شعبولي كده عشان أفهمه.. فقولت له ده آخر مستوى أقدر أنزله.. قالي آه تنزله.. وراح موطي وطلع حاجة م الشراب اكتشفت إنه طلع مطواة كان هيضربني بيها.. بس طلب إننا نشيل الحتة دي وإحنا بنمنتچ الحلقة".