وجهت الإعلامية ياسمين عز رسالة للنساء في أولى حلقات الموسم الجديد من برنامجها كلام الناس، المعروض على قناة إم بي سي مصر، كما كشفت حقيقة معرفتها بمقلب رامز جلال.
وقالت ياسمين عز في: "وحشتيني يا مدام والله العظيم وما تستغربوش، وحشتيني يا نن بؤبؤ عين قلبي من جوه، وأكيد وحشتني حماتك وأخت جوزك أكتر، وعارفة أني وحشتكم وأنكم ما بقتوش قادرين على غيابي ولكن قطعنا الإجازة ورجعت ليكم ومحضرة ليكم مفاجآت وفقرات جديدة، وأهم حاجة مش عاوزكي تخافي بليل ومش عاوزة حالة الأرق تيجي ليكي طول ما البرنامج شغال، وتنامي وأنت حاطه إيدك على قلبك وخايفه من الكلام اللي هقوله لأني هقول كل حاجة.. ولن أتراجع ومش هتغير تحت أي ظرف".
للخبر بقية في الأسفل.. ومن أخبارنا أيضاً:
لن تندم على الشراء .. هاتف Pura 70 Ultra بإمكانيات مذهلة
"انهارت على الهواء بشكل هستيري".. توقعات ليلى عبد اللطيف تنقلب ضدها لأول مرة والجمهور غير مصدق!!
" كشفت سر خطير للجمهور!! ".. ليلى عبد اللطيف تنهار بالبكاء بسبب توقعاتها وتعترف لأول مرة!
وأضافت: "هفضل أقول كل اللي مؤمنة به واللي مقتعة به لأن مفيش كرامة بين الراجل ومراته وأول ما تتجوزوا بتحطوا الكرامة في الدرج.. وهنفضل نتكلم في الأصول واللي أتربينا عليها واللي أمهتنا وجدتنا علموها لينا، ودلوقتي بيقولوا عليها موضة قديمة، وعاوزاكي تطمني وتتأكدي أن هذا البرنامج لن يتغير مع الحق والأصول، وربنا هيحاسبني على الكلام اللي بقوله، ولكن أنا بنام طفلة بريئة هانئة وضميري مرتاح لأني بدعو للسكينة والمودة والاحترام وعمري ما هنام وأنا مسخناكي على جوزك".
وعن حلقتها مع رامز جلال، قالت: "طبعًا كلكم شفتوني في رمضان مع رامز جلال هذا الفرعون الملعون المنشق عن القبيلة وكانت حلقة للتاريخ، وأنا اتفرجت عليها وشفت نفسي وأنا داخلة، كاريزما قاتلة وطاغية وحاجة مش معقولة، واللي عنده كاريزما أحسن من اللي عنده فلوس، ولما اترش في وشي طفاية حريق فضل وشي يلمع من البريق سبحانك يا ربي ما أتغيرتش".
وأضافت: "كلكم علقتوا على المراية اللي مسكتها في البرنامج، هي كانت في جيبي اليمين والروج الأحمر في جيبي الشمال ولو كان عندي جيبين ورا والله كنت حطيت بلاشر، ولكن ما كانش عندي جيوب للأسف، ده أنا لو أطول البس تاج كنت لبسته لأني أميرة ولأني بحترم الفرعون الكبير الصغير".
وتابعت: "السؤال الأهم اللي جالي بعد حلقتي مع رامز هل كنت عارفة المقلب.. أنا مش هحلف وخلال السنتين اللي فاتوا في برامج كتير بتكملني ضيفة ولكني برفض، ولو أنا عارفة وده طبعًا مش صح، مش هيقعدوا يكلمومي من لبنان ومصر ويتفاوضوا أني أكون في البرنامج، ولو أعرف ما كنتش روحت ومسامحة الفرعون الملعون رامز لأن الفرعون يعمل اللي هو عاوزه".
