كشف الفنان مصطفى حشيش عن رأيه في عمل المرأة، وكذا دخول بناته عالم الفن، وذلك خلال لقاء له مع الإعلامية ياسمين عز في برنامج "كلام الناس".
حيث قال: "أنا آسف للستات كلها أنا سي السيد في بيتي، لإن برضه الست الهانم بتاعت البيت، وأنا بقدر الست ومراتي اللي هي ست البيت وستي، بتملك كل شيء وأنا لا أملك شيء، وبيتي والفلوس وحتى عربيتي باسمها، هو فيه أكتر من كده احترام للست أو تقدير للست أو أمان للست، يا جماعة كل ما الست هتقدرك وهتشيلك فوق راسها، أنت طبيعي هتشيلها فوق راسك، وبالنسبة لي الست هي ست البيت وستي أنا كمان لإني من ضمن البيت".
للخبر بقية في الأسفل.. ومن أخبارنا أيضاً:
وفاء عامر: أحمد العوضي تربية الراحل نور الشريف في أخلاقه وثقافته.. وبقول أنا بليدة وخايبة!
مطلق وعمره 54 سنة.. رانيا يوسف تكشف هوية زوجها الجديد وتفاجئ الجمهور!
وعن عمل المرأة قال: "بشوف الحالة دي سلبية جدًا والمفروض الست المتجوزة تبطل شغل، وجوزها يجبرها على كده حتى لو هيعيشها على قد مرتبه، وأنا لما اتجوزت مراتي مقدمتش ليها مهر وما طلبتش منهم يجيبوا لي حاجة وقلت لهم عاوزها بشنطة هدومها علشان لما أجيب فازة وأنا بشتغل واتعصب عليها لما تيجي تنضف البيت وتنضف الفازة تعرف أنا قد إيه تعبت علشانها، لكن لو الفازوة جاية بسهولة هتكسرها، ولازم كل ست تعيش على قد دخل جوزها وما تشتغلش".
وأوضح مصطفى رأيه في دخول بناته عالم الفن، وقال: "ممنوع أخلي بنتي تمثل علشان شايف قد إيه الممثلين بيتعبوا وقد إيه متبهدلين في الشغلانة وبيسيبوا بيوتهم، لإننا بنقعد في الاستوديو عشرين ساعة فلو واحدة متجوزة وعندها عيال تسيب بيتها 20 ساعة، فأنا شايف الزملاء الفنانات متبهدلين في المهنة ودي بنتي وستي وتاج راسي وهي المتحكمة فيا ولإني بحبها بقول كده".
وتابع: "حاجتين محدش بيعملهم لي في البيت، رغم إني سي السيد، بحب أعمل لنفسي كوباية قهوة، لإني مليش كيف إلا في القهوة وماليش في السجاير ولا المياه الغازية ولا عمري شربت نقطة بيرة، وهو فنجان القهوة كيفي، وبحب أغسل شراباتي بنفسي، ومن كتر نظامي عارف كل حاجة في الدولاب ومراتي بتجيب لي الهدوم وتحطها على السرير وأنا بنظمها في الدولاب".