كشفت الفنانة إلهام عبد البديع، عن إحساسها بعد الزواج، حيث قالت في تصريحات تليفزيونية: “مختلف كل حاجة متلخبطة كده.. لسه ما استوعبتش أوي.. يعني أنا أصلًا بخاف من فكرة الجواز والارتباط بشكل عام.. هو ضحك عليا إحنا هنتجوز قريب فأنا فاهمة إن دي مش قريب يعني سنة ولا حاجة وفجأة يالا الأسبوع اللي جاي.. فين صحابي فين لبسي.. كل حاجة خلصت في أسبوع”.
وأضافت: “لما كنت بعزم الناس وأكلم حد من صحابي وأقولهم كمان يومين بعد بكره يفتكروني بهزر.. حتى تامر وأنا بعزمه بقوله يا تامر أنا فرحي يوم الاتنين.. قالي الاتنين الشهر الجاي قولتله لأ يا تامر الاتنين كمان 3 أو 4 أيام.. قالي انتي بتهزري.. قولتله لأ والله ما بهزرش فاتخض قالي لأ هكلمك.. وفعلًا كان جاي الفرح بس الفرح عشان كان الوقت اتأخر أوي فقفلنا بسرعة ما كانش مسموح إنه يطول أكتر من 3”.
للخبر بقية في الأسفل.. ومن أخبارنا أيضاً:
وتابعت: “بس اتبسطت.. والموضوع على قد ما كان مرعب شوية فكرة الفرح والفستان انبسطت أوي لما حمادة هلال جه لإنه فاجئني.. حمادة بالنسبة لي أخ مش فنان.. أخ بجد وقالي ساعتها إنه هيبقى في لبنان قولتله لأ ما تجيش.. قالي هجيلك مخصوص.. قولت له لأ ما تفكرش تنزل لقيته جه فكانت مفاجأة حلوة”.
