تحدث الفنان تامر هجرس عن تفاصيل الإصابة التي تعرض لها وهو صغير وكادت تمنعه من العمل في التمثيل.
حيث قال: "الناس كانت فاكرة إني عملت عملية مؤخراً واتشليت، ولكن اللي حصل إن وأنا صغيّر كنت بتسلق الجبال، فأتزحلقت وحتى فيه جلد اتحرق في إيدي ووقعت على العمود الفقري وحصل شرخ وبعد كام سنة الشرخ وصل لآخره والفقرة وقعت على العصب وعملّي حاجة فرجلي كنوع من الشلل فمكنتش بعرف أحركها كويس".
للخبر بقية في الأسفل.. ومن أخبارنا أيضاً:
وتابع: "كان لازم أعمل عملية بسرعة وعملتها في ألمانيا والأطباء رجّعوا الفقرة مكانها واستعانوا بالحديد والمسامير وبقيت زي الفل".
وعن مشاركته في فيلم "شوغر دادي"، علق: "أنا مبسوط جداً برد الفعل على الفيلم، ومبسوط إنه أعلى إيرادات وأنه عدّى كل الأفلام التانية وده شيء حلو".
وأضاف: "اللي خلاّني أوافق إن أنا كنت هشتغل مع الكاتب لؤي قبل كده في فيلم جميل ليا وماتعملش فصعب عليا إن إحنا مانعملش حاجة مع بعض... وفيلم "شوغر دادي" كان فرصة علشان نشتغل مع بعض".
