كشف المخرج عمرو سلامة عن كواليس إكتشافه لبعض الاطفال في الوسط الفني، منهم من أصبحوا نجوما مشهورين، والفنان أحمد داش والطفل عمر شريف.
وخلال لقاء تليفزيوني له، قال عمرو سلامة :”بختار الأطفال الممثلين بإني أشوف أطفال كتير عشان أعرف أختار الأحسن، ويكون قدامي اختيارات متننوعة”.
للخبر بقية في الأسفل.. ومن أخبارنا أيضاً:
وتابع :”وفي فيلم لامؤاخذة التصفيات وصلتني لـ أحمد داش ومعاه طفل تاني، وحطيتهم في اختبارات كتير لحد ما استقريت على داش، وعادة بتعامل مع الأطفال في التصوير على إنهم شخصيات ناضجة ومش بطبطب عليهم، وشايف إن الوسيلة دي بتنفع جدا في الشغل”.
وواصل حديثه:”مكنتش متوقع إن أحمد داش هيكمل مسيرة التمثيل، لأننا شوفنا أطفال كتير بتبدأ وهي صغيرة وبتكون كويسة جدا بس مش بتكمل لما بتكبر شوية”.
ولفت :” فالموضوع بيعتمد على المجهود الشخصي لكل ممثل فيهم، واللي حصل إن عمر شريف وأحمد داش كان عندهم الرغبة إنهم يكملوا مسيرة التمثيل، وموقفوش عند نجاح لامؤاخذة وبرة المنهج”.
وعن سبب شعوره بالذنب تجاهه هذا الأمر ، قال عمرو سلامة :”دايما ببقى قلقان تجاه الأطفال اللي بقدمها للتمثيل، وببقى حاسس إني عملت فيهم مصيبة، لأني إديتهم فرصة يظهروا كممثلين وفي أدوار بطولة، ببقى خايف إن حياة الطفل ده بعد 10 سنين تتدمر بسببي وأحس ساعتها بتأنيب ضمير”.
وأنهى حديثه كاشفاً :”عشان كدة بحب أتناقش مع أهل كل طفل، وأقولهم يتأكدوا من قرار موافقتهم، وبطلب منهم يركزوا هيتعاملوا مع الطفل المميز ده إزاي، اللي مش هيعيش حياة طبيعية، وهيتسمى في فصله الفنان، وكل الناس فجأة هتبقى عايزة تتصور معاه”.
