بعد إنتشار شائعة وفاتها خلال الساعات القليلة الماضية، تصدرت الفنانة ليلى طاهر محركات البحث على جوجل، وهو ما جعل الفنانة تخرج عن صمتها لتنفي خبر وفاتها وتوضح حقيقة عودتها إلى الفن.
وخلال مداخلة هاتفية لها ببرنامج “ملفات” قالت ليلى طاهر عن إمكانية عودتها للفن :”مينفعش أرجع دلوقتي لـ الفن، وكان نفسي ومنى عيني أستمر في الفن لأخر يوم في عمري، والتوقف اللي حصل خلاني أتوقف”.
للخبر بقية في الأسفل.. ومن أخبارنا أيضاً:
وتابعت :” ومجاش ليا دور حلو لغاية دلوقتي، وأتعرض عليا أدوار مش بنفس المستوي، وأرجع بحاجة قوية جدًا يا بلاش، واللي أنا عملته مبسوطة وأفتخر به”.
ولفتت :”أنا بحب الفن بكل صور، تلاقيني في وقتي الفاضي كله بتفرج على التلفزيون بشوف المسلسلات والوجوه الجديدة، والأعمال الفنية الحلوة بسعيدة إن الفن المصري بيرجع لأصله تاني، لأنه مر بوعكة بسبب الظروف اللي حصلت في البلد”.
كما أكدت متابعتها الدائمة لأخبار الفن متابعة :” بقوم الصبح أقرأ الأخبار في الموبايل، وأشوف الرسائل وأرد عليها”.
واسترسلت حديثها عن تفاصيل يومها :”وبعدين أقوم أمشي في الجنينة وألعب مع الكلاب شوية، وأشوف لو ورايا حاجة أعملها ورايا زيارة مهمة، أروح النادي، حياة أسرية الفن كان واخدني منها شوية”.
وأنهت حديثها لافتةً :”عدد كبير من الأصدقاء سأل عليا النهاردة، أنا بخير ولا توجد مشاكل، ورجلي تعباني شوية لأني وقعت عليها، لكن كل شيء على ما يرام”.
