كشف الفنان مصطفى قمر السر وراء اختيار نجله “تيام” في استكمال قصة حريم كريم بجزءه الثاني، بالإضافة إلى العديد من الأسرار الأخرى عن العمل.
وخلال لقاء تليفزيوني له قال مصطفى قمر :”قصدنا ناخد جيل من الشباب في أولاد حريم كريم لأن البنات بيحبوا يتفرجوا على تيام وشباب كتير شايفين إن رنا رئيس ممكن تبقى فتاة أحلامهم فكان لازم نستغل ده”.
للخبر بقية في الأسفل.. ومن أخبارنا أيضاً:
وواصل حديثه :”أولاد حريم كريم فيلم تاني بيكمل الجزء الأول لأنهم الناتج الطبيعي للحياة اللي فاتت وهما حلقة الوصل بين الحريم بكريم”.
بينما أردفت بشرى بالقول :”أنا بيضحكني جدا الناس اللي هي بتتكهن وبتتوقع حاجات وهما لسه ماشفوفش الفيلم، أولًا فيه شخوص رحلت عن عالمنا فبالتالي هو ملوش دور لأنه مش عايش، وفيه شخوص الدراما بعد 18 سنة”.
واستكملت :”والزمن أتغير وحال الناس اتغير طبيعي حال الدراما والقصة كمان تاخد منحى مختلفى، في الأحداث الجديدة، يعني مينفعش حد توفى نصحيه مش هينفع”.
وأضافت :”لما بيبقى المنتج زميل أو ممثل أو فنان بيبقى حاسس أكتر بزمايله وبيبقى هما كمان عندهم حالة من الثقة في أن البعد الفني هيبقى فيه اهتمام بيه والبعد الأخلاقي اللي ورا الكاميرا، في الكواليس يبقى فيه احترام للزمالة، وأنا بشوف أن الممثل من أكتر الي لازم يهتم أنه ينتج لما يبقى عنده فرصة”.
جدير بالذكر أنه من المقرر طرح فيلم “حريم كريم” بجزءه الثاني بعنوان “أولاد حريم كريم” بطولة عدد من نجوم الفن أبرزهم مصطفى قمر وبشرى وداليا البحيري وعلا غانم وتيام مصطفى وآخرون.
