نفت الفنانة جوري بكر الأخبار التي تم تداولها في الساعات الماضية عن طلاقها، وعبرت عن استيائها من نشر أهبار تخص حياتها الشخصية.
وقالت: "الحمد لله مفيش طلاق أنا جوزي راجل محترم معتقدش إنه يعمل كده مع واحدة مراته اللي فاضلها شهور وتولد، واللي عمل كده ده بني آدم أو بني آدمة ربنا ينتقم منهم وحسبي الله ونعم الوكيل".
للخبر بقية في الأسفل.. ومن أخبارنا أيضاً:
وتابعت: "مش قادرة أتخيل إن فيه بني آدمين منتظرين سقوط بني آدم أو منتظرين يدمروا بني آدم بالطريقة السيئة دي، بس الحمد لله قدر الله وما شاء فعل، رجعت الأكونت ومفيش حاجة حصل واحنا بخير وإن شاء الله الدنيا تعدي على خير".
وأضافت: "يعني أنا تقريبًا حالتي النفسية سيئة بسبب اللي حصل فيا ده بس الحمد لله، يعني تفتكرواواحدة زيي في الوضع اللي أنا فيه ده محتاجة اطلع تريند؟".
وأكملت: "الحمد لله طالعه تريند ومش محتاجة اطلع واعمل حاجة سيئة زي دي عشان اطلع بيها تريند حتى لو كنت متعصبة وكتبت حاجة زي دي على السوشيال ميديا، عمري ما هكتب حاجة زي كده، أضر بيها نفسي وأضر بيها جوزي وأضر بيها اللي في بطني وأهل بيتي وبيت جوزي مش حاجة لطيفة".
واختتمت: "مش حاجة لطيفة هجوم البني آدمين بالطريقة دي ويفكروا إني عايزة أعمل تريند أنا مش محتاجة ولا مستنية أعمل حاجة زي كده يا جماعة اللي حصلي موضوع مؤذي نفسيًا من اللي حصلي على الانستجرام واللي نزل على السوشيال ميديا".
وكانت جوري بكر نفت خبر طلاقها، وذلك خلال مداخلة هاتفية مع برنامج ET بالعربي، وقالت: "دي واحد أو واحدة مش محترمة الله أعلم مين، أنا فجأة مش عارفة أدخل على حسابي عمالة أدخل الباسوورد وبالعافية افتكرت الباسوورد ودخلت لقيت كل القرف ده نازل عندي على الانستجرام".
وتابعت: "جوزي مش عارف كل طلبات المتابعة دي من البنات جياله منين، وحد منزل الحساب بتاعه وبيقوله ده حساب طليق جوري بكر، وسألت الناس عرفتوا منين حساب جوزي قالوا دي حسابات مزورة، وفي منشور نازل إني انفصلت".
وتم إعلان خبر طلاق جوري بكر عبر حسابها بموقع انستجرام، وقيل فيه: "وجعل بينكم مودة ورحمة.. تم الانفصال بيني وبين الراجل المحترم زوجي وبتمنى له كل خير.. أرجوكم مش عايز حد يتواصل معايا في أي تفاصيل لأني مش هرد على مكالمات.. شكرًا".
