كشفت الفنانة سيمون حقيقة ابتعادها عن الفن في الوقت الحالي، واكدت أن هذا غير صحيح ولكنها تنتظر العمل المناسب.
وقالت: "أنا مسبتش حاجة، الحاجات هي اللي بتطلبني، وزي ما قولنا إني دخلت التمثيل صدفة، الدنيا دي بتبان إننا بنختار بس هي صدفة، يعني أول ما دخلت المجال كانت معرفتي بـ مدحت صالح وتلف الأيام إني غنيت معاه تتر مسلسل إذاعي الفترة اللي فاتت".
للخبر بقية في الأسفل.. ومن أخبارنا أيضاً:
وأضافت: "أول تتر كان مع هاني شنودة وتلف الأيام وهغني معاه بعد يومين.. إحنا متعودين على النمطية اللي شكله شيك يقدم شيك والكوميديان يفصل كدا، واتقالي معقولة الست الكيوت دي تعمل الست صباح".
وتحدثت سيمون عن بدايتها الفنية قائلة: "المشوار كله من البداية صدفة، وصدفة إني بقيت فنانة وإني عملت شريط وبقيت مشهورة، وفي نفس التوقيت جتلي أول بطولة لفيلم يوم مر ويوم حلو، وبعدين غنيت تتر مسلسل مع الموسيقار هاني شنودة".
وعن تعاونها مع فاتن حمامة في فيلم يوم مر ويوم حلو، علقت: "فيلم يوم مر ويوم حلو مع فاتن حمامة سيدة الشاشة العربية التي علمتني حاجات كتيرة أوي ماشية عليها حتى الآن، وعلمتني حاجات إنسانية وفنية وقالتلي إنتي لسة داخلة وقدامك طريق، وهي كانت سابقة في أفكارها".
وأضافت: "أنا خدت جائزة من مهرجان الأمم المتحدة للفنون عن إني أكمل مشوار سيدة الشاشة فاتن حمامة.. وآراء فاتن حمامة الفنية كانت مستساغة، وأول ما شافتني في كاست فيلم يوم حلو ويوم مر قالت لـ خيري بشارة أيوة يا خيري هي دي لمياء هي دي".
