عبرت الفنانة مونيا عن صدمتها الشديدة بعد معرفتها بخبر وفاة خطيبها السابق، كما روت تفاصيل القصة التي جمعتهما.
حيث قالت: "كل الناس عايزة تعرف أنا ليه متجوزتش الإنسان اللي اتخطبتله وايه اللي حصل، وأنا مخدتوش من مراته، أنا في الحقيقة اتخطبتله ومراته بنفسها كلمتني وباركتلي، الكلام دا من حاجة وعشرين سنة، وأنا اتبسطت جدا بحاجة زي دي أنها بتحصل، وكان بالنسبالي ازاي في زوجة بتقول لجوزها مبروك أنه خطبني".
للخبر بقية في الأسفل.. ومن أخبارنا أيضاً:
وتابعت: "أنا كنت متأكدة أني هلبس فستان أبيض وأننا أكيد هنتجوز، وكان بيقنعني أسيب الفن، ولما عملت الحادثة هو ساب شغله عشاني، وقعد تحت رجليا، وفضل جمبي ومسابنيش، وقالي اعتقد أنك اقتنعتي وهتسيبي الفن ونكتب الكتاب قولتله تمام، فقالي أنا مسافر اليونان ولما نرجع هنكتب الكتاب".
واضافت:" بس أنا كنت غبية جدا وعملت حاجة دون قصد، نزلت حفلة من الحفلات الكبيرة عندي في إسكندرية حفلة مصطفى قمر، وكنت عايزة أوصل لخطيبي رسالة أني قمت وأشتغلت بس هسيب الفن عشانك أنت، وهو عرف وقفل الاتصال معايا تماما".
وأكملت: "وبعدها اتجوزت المنتج محمود يوسف أبو ولادي، وبعدها بتسع سنين انفصلنا وخطيبي جالي تاني وقالي نتجوز ووافقت، وبسبب ولادي متجوزناش، وامبارح أكتشفت أنه مات وكانت صدمة كبيرة أوي".
