بعد أن طلبت منه عدم التدخل في شئون حياتها الخاصة في أحد اللقاءات التلفزيونية، حرص الفنان سعد الصغير أن يوجه رسالة إلى المطربة بوسي.
وقال: "بوسي دلوقتي بتقولي متتدخلش في حياتي؟!، إنتي مدخلاني في حياتك من ساعة ما ربنا خلقك، كل المشاكل أنا اللي كنت بخلصها".
للخبر بقية في الأسفل.. ومن أخبارنا أيضاً:
وأضاف: "اللي جايب لها أغنية آه يا دنيا أنا، لما كان طليقها بيضربها ويحصل مشاكل كانت بتقول الحقني أنا ومحمود الليثي، لما دخلت السجن وكان عليها شيكات، ولما كانت هربانة بره البلد وطلع عينها، ومن الآخر مكنش معاها جنيه أنا اللي وقفت جنبها، دلوقتي بتقولي متدخلش!".
وكانت بوسي علقت على تصريحات سعد الصغير والذي عاتبها فيها بعد وفاة والدها بسبب عدم ذهابها لجنازته، وقالت: "ميخصش سعد الصغير روحت لأبويا الجنازة ولا لأ، وأنا مبحبش حد يعمل تريند على قفايا، ليه بتدخل نفسك في حاجة متخصكش؟ هتقول زميلتك أنا مطلبتش منك تتدخل".
يجدر بالذكر أن سعد الصغير قال في تصريحاته التي عاتب بها بوسي: "زعلان من بوسي جدًا حتى لو أبوها جاحد كان ممشيها مبتاكلش، إحنا بنروح عزاء ناس مبنعرفهمش؛ تعتبر إنه بتاع أمن غلبان تروح تديله أي حاجة.. دي بتنزل من العربية وتدي بتاع الركنة 100 جنيه.. اعتبريه شغال معاكي في الفرقة.. الحنية محدش بيشتريها".
