تحدثت الفنانة ميرهان حسين عن رغبة والدها الشديدة في تزويجها، وذلك على خلاف والدها الذي لا يضغط عليها وقريب جداً من شخصيتها.
حيث قالت: "والدتي نفسها أتجوز أحمد عز لأنها بتحبه وهي عايزاني أتجوز ودا هدفها في الحياة لدرجة بتأجل الفرحة لحد ما أتجوز، ووالدي مش عايزني أتجوز ولا بيضغط عليا وشخصيتنا قريبة من بعض، ومع الأسف المجتمع بيشوف الست اللي متجوزتش عانس ومع ذلك مش بيفرق معايا كل التصنيفات دي".
للخبر بقية في الأسفل.. ومن أخبارنا أيضاً:
وتابعت: "الجواز مرتبط بالشخص ولما ألاقي شخص مناسب ودا نصيب ولو ربنا مش كاتبلي أخلف ومش من نصيبي هعيش وهسعى أكون سعيدة، ولازم الراجل اللي هيكون شريك حياتي يكون بيحترم نفسه ويحترمني وآرائه محترمة وبما أنه راجل هيكون سند وأمان وضهر، ولو العلاقة مفيهاش أمان متبقاش علاقة صحية، ودا نادر بس أكيد موجود، وأنا لا يمكن أقبل أكون زوجة ثانية".
وواصلت: "أنا عايزة الفن والزواج مع بعض ولكن لو لقيت الراجل محترم وبيحبني وبحبه ويعرف ربنا ودمه خفيف وابن ناس، وهيحققلي السعادة ممكن أسيب الفن عشانه، بشرط يكون قراري مش مفروض عليا؛ لأن حبي للفن جزء مني".
وجاءت تصريحات الفنانة خلال حلولها ضيفة على برنامج كلام الناس، الذي تقدمه الإعلامية تسمين عز على قناة إم بي سي مصر.
