حلت الفنانة هالة ضيفة على برنامج "ضيفي"، الذي يقدمه الإعلامي معتز الدمرداش، وذلك عبر قناة الشرق.
وكشفت الفنانة هالة صدقي سبب ابتعادها عن الأدوار الشعبية لمدة 20 عاما، بعد شخصيتها في مسلسل أرابيسك.
للخبر بقية في الأسفل.. ومن أخبارنا أيضاً:
وقالت: "في مجالنا ممكن أكون بعرف أمثل بس لكن معرفش أدير نفسي، أنا معنديش حد يديرني وبعدت عن الأدوار الشعبية بعد أرابيسك".
وتابعت: "شخصية توحيدة في أرابيسك عمل ضجة كبيرة جدًا ومن خوفي على نجاحه وإني أكرر الشخصية تاني بعدت 20 سنة، وده كان غلط في حياتي كبير إني بعدت عن الأدوار الشعبية".
وعلقت هالة صدقي على حصرها في دور الأم، وقالت: "أنا عملت أم لـ محمود ياسين وأنا عندي 19 سنة في فيلم الأفيال، وأنا طبيعي كبرت ومش صغيرة ولكن مش لدرجة إني أكون أم أحمد فهيم في جعفر العمدة، ولكن مش هنضحك على الجمهور هو شايفني من أمتى لـ أمتى، وأدوار اتحرقت خلاص ولازم أنقل المرحلة العمرية التانية ومش لازم البطلة تكون حسناء".
وتابعت: "أنا راضية عن مشواري الفني جدًا وكان ممكن يكون أفضل، بس أنا بفكر في أنه يبقى أطول، ويمكن أنا حاطة في دماغي هدى سلطان ومن وأنا صغيرة شايفة الخط بتاعها ماشي إزاي، لأنها فضلت لآخر دقيقة نجمة، واتصالحت مع نفسها لما طلع شباب صغير معاها مشيت مع الموجة".
وأكملت: "الأستاذة كريمة مختار فضلت نجمة لآخر لحظة وكانت بطلة في مسلسل يتربى في عزو، مش الأم بس يعني بيبقى في صراع في دور الأم والمخرجين مش بيهتموا أوي".
