شارك الإعلامي محمود سعد الجمهور مقطع فيديو عبر حسابه الرسمي بموقع إنستجرام، وتحدث خلاله عن السبب الذي جعله يتناول لحم حمير لمدة 20 سنة.
حيث قال: "قعدت 20 سنة آكل لحم حمير، أمي كانت بتجيب لنا كفتة من جزار قدام بيتنا، وبعدين أمي نزلت في مرة لقت المحل مقفول ومتشمع بالشمع الأحمر، ولما سألت قالولها كان بيدبح حمير، وطبعا الكفتة كانت من لحمة الحمير".
للخبر بقية في الأسفل.. ومن أخبارنا أيضاً:
وكان محمود سعد أعلن عدم عودته للتلفزيون، قائلاً: "أنا من أسعد الناس إني مشيت من التلفزيون والعودة اللي هيعملوها قريب.. أنا مش هرجع.. هما هياخدوا المادة بتاعة يوتيوب ويعرضوها على قناة النهار.. هيسعدني إن الناس اللي مش بتشوف يوتيوب تتفرج عليا على قناة النهار".
وتابع: "مبسمعش نفسي خالص ومبقدرش اسمع صوتي خالص، ولما حصلت كورونا معرفناش ننزل نصور باب الخلق، ومكنش عندي حاجة غير إني أحكي ولقيت استحسان عند البعض.. وبحس إن الحكايات اللي بحكيها بتمس مشاعر ناس كتير بيمروا بنفس الظرف، بيبقى فيها نوع من أنواع الطبطبة على الناس وميحسوش إنهم لوحده وإن اللي بيعمل كده يبطل.. فيها معاني كتير جدًا".
وأضاف: "هبة شلبي بتشتغل معايا من سنة 2003 بقالها 20 سنة، فهي فاهمة الشغل كويس.. وهي اللي أصرت عليّا في موضوع اليوتيوب من حوالي 7 سنين ومسمتعش لكلامها غير من حوالي سنتين.. وفي يوم لقيت حوار ينفع ينزل على يوتيوب.. وبعدين هي اللي بقيت تعمل كل حاجة".
وأكمل: "لم أحلم بمكانتي الحالية.. الحياة مشيت بيا في سكك متعرجة كتير.. خدتني في أماكن مش مخطط لها.. خطط لإثبات وجودي في مهنة اخترتها.. أنا خريج آداب تاريخ واخترت المهنة دي.. والمهمة كانت في غاية الصعوبة".
