انتقد الفنان محمد علي رزق، مؤلفين مشهدا في مسلسل ليه لأ الجزء الثالث، الذي يعرض حاليًا على منصة شاهد، وذلك عبر حسابه الشخصي على موقع فيس بوك.
وقال: بتفرج على مسلسل ليه لأ الجزء الثالث، ومنكرش حبي الشديد لمسلسل ليه لأ من الجزء الأول علشان بيناقشوا قضايا مهمة وبشكل مختلف وفي كل مرة قدروا يلمسوا الناس، وفي الجزء الأخير بيناقشوا قضية مهمة جدا ومنتشرة بنسبة كبيرة أوي في مجتمعنا الشرقي، بس شوفت مشهد عزومة في حلقة 8 وفجأة في آخر المشهد إتنين ممثلات لطاف جدًا.
للخبر بقية في الأسفل.. ومن أخبارنا أيضاً:
وأضاف: طبعًا أكاديمية الفنون البيت الكبير والصرح اللي طول عمره مليان أساتذة كبار وطلع أجيال كتير مهمة، تصحيح للأساتذة إللي كتبوا المسلسل، لأ يا فندم قسم آداب مسرح بيعلم تمثيل بجد، وفيه نجوم خريجين قسم آداب مسرح زي فتحي عبد الوهاب وسامح حسين وأحمد فتحي وياسر الطوبجي وغيرهم كتير أوي، وفيه دكاترة محترمة بتعلم التمثيل اللي بجد، وأنا بتشرف إني خريج كلية الآداب قسم علوم المسرح.
واختتم محمد علي رزق: كنت أتمنى مناقشة المشاكل اللي بتقابلها أقسام المسرح في أغلب الجامعات، زي النظر لينا نظرة إيه الهبل ده وإن كل أقسام كلية الآداب شايفين إننا عيال هايفة علشان بندرس فن، ويقعدوا يتريقوا لعدم فهمهم قيمة الفن اللي كنا بندرسه.
مسلسل ليه لأ 3 من بطولة كلا من: نيللي كريم، صلاح عبد الله، عايدة رياض، أحمد طارق، نادين، معتز هشام، والعمل من تأليف مريم نعوم وإخراج نادين خان.
