حل الفنان تامر هجرس، ضيفا على برنامج أسرار النجوم مع الإعلامية إنجي علي عبر محطة راديو نجوم إف إم، وكشف عن روتينه وأسلوب حياته في شهر رمضان الكريم، مشيرًا إلى الصفات التي يتمنى أن تكون فيه.
وقال: رمضان بالنسبة ليا عبادة ورياضة ومقابلة أصدقائي، وبالنسبة ليا القرآن والصلاة نوع من التأمل، بحيث تاخذ وقت لنفسك بعيدا عن أي زحام في المخ وعقلك مركز بس في الصلاة والعبادة وكأنك بتغسل نفسك، وتخرج بني آدم تاني.
للخبر بقية في الأسفل.. ومن أخبارنا أيضاً:
وتابع: ومهم الإنسان يكون له وقت لنفسه وينضف روحه عشان يدي طاقة حلوة للي حواليه، والحمد لله كل حاجة أنا نفسي فيها عندي، وأنا مكتفي بكل الحاجات اللي في حياتي وعايز يكون عندي قناع ورضا ودايما مكتفي وقريب من ربنا وبس، وأي حاجة تيجي إضافة فهي خير وبركة من عند ربنا.
وأضاف: أنا بني آدم زي أي شخص تامر بحاول أحسن في نفسي وشخصيتي، وأوصل لمعنى القناعة والحب والسعادة، وبحب يكون فيه حاجة مستديمة في حياتي تسندني دايما زي الدعاء، وربنا يديك وسائل وطرق تكتشفها عشان لما تقع في أي حفرة تلاقي حاجة ترفعك.
يذكر أن أخر أعمال الفنان تامر هجرس فيلم "شوجر دادي"، بطولة كلا من: ليلى علوى، حمدى الميرغنى، بيومى فؤاد، مى الغيطى، فرح الزاهد، محمد محمود، مصطفى غريب وجوهرة وتامر هجرس، تأليف لؤى السيد، إخراج محمود كريم.
