حلت هدى زوجة الفنان على الحجار، ضيفة مع الإعلامية سهير جودة عبر صفحتها على فيسبوك ووجهت رسالة دعم لزوجها في أزمة مشروعه "10 سنة غنا.
وقالت: أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجاة حد يروح طالع بيه وعايز ينجح بيه واللي حواليه يدعموه بيه.
للخبر بقية في الأسفل.. ومن أخبارنا أيضاً:
وأضافت: يعني وجع قلبه عنده حق، وهنفضل وراه لغاية ما ياخد حقه، علي لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي".
وتابعت: ليه بقول مش هيضر ومش هيأذي، عشان هو بيتأذي دلوقتي، أنا مش عايزة أقول ايه اللي حصل في الحفلة دي، الناس اللي حضرت الحفلة هما اتعذبوا عشان يحجزوا تذكرة الحفلة دي، ولما بدأت التذاكر يتم طرحها اتحجزت كلها في ساعتين وبعد كده الحجز اختفى، علي بيتعرض لحرب فظيعة، لكن جمهور علي الحجار مهما يحصل معاه هتلاقيه بيعمل أي حاجة عشان يوصله، ودي حاجة تطمنا.
يذكر أن أحيى الفنان علي الحجار حفلًا أول أمس في الجامعة الأمريكية، حضره العديد من الجمهور، والذي تفاعل معه ومع أغانيه بشكل كبير.
