حلت هدى زوجة الفنان على الحجار، ضيفة مع الإعلامية سهير جودة عبر صفحتها على فيسبوك، وكشفت إنها دائمة التواجد في حفلاته.
وقالت: طبعا موجودة ومقدرش اسيبه، وانا مثل الجمهور احب استمتع بغناه، انا باجي زي الناس لأن دي المتعة بتاعتي، وبعدين عشان انا مراته بقى واقفة جنبه واشوف عايز حاجة كل شوية.
للخبر بقية في الأسفل.. ومن أخبارنا أيضاً:
وأضافت: أنها تحب كل اغاني على الحجار، ولكن هناك أغاني مميزة تحب ان تسمعها، منها؛ (عارفة) وعاكسني بيها في البداية، و(انتي طلعتيلي منين) عشان غناها لي لكنه قدمها من قبل وشعر انها لم تاخذ حقها فقام بتجديدها وغناها لي، واغنية (بطلة حكايتي).
وتابعت: كنا صحاب في البداية وهو كان صديق زوج صاحبتي، وحصل تواصل بينا في اول مرة شوفنا بعض، ومكنش حب من اول نظرة، احنا قعدنا صحاب لمدة سنة تقريبا، صحاب بس، وحصل الزواج بعد سنة من تعارفنا.
واختتمت: قبل ما نتجوز فضلنا صحاب فترة، وعرفته على حقيقته، هو مش عشان ارتبط كتير يبقى مزواج، لا هو شخص طبيعي حظه مش حلو زيه زي أي شخص في الدنيا، وهو كشخصية مفهوش عيوب تخليني اخاف منه، وسنوات زواجنا العشرين تثبت صوابي.
يذكر أن أحيى الفنان علي الحجار حفلًا أول أمس في الجامعة الأمريكية، حضره العديد من الجمهور، والذي تفاعل معه ومع أغانيه بشكل كبير.
