حلت الفنانة عايدة رياض ضيفة على برنامج واحد من الناس، الذي يقدمه الإعلامي عمرو الليثي.
وتحدثت عايدة رياض خلال اللقاء عن تفاصيل إصابتها بمرض سرطان المثانة، والذي أصابها خلال تعاونها مع يحيى الفخراني في مسلسل دهشة.
للخبر بقية في الأسفل.. ومن أخبارنا أيضاً:
حيث قالت: "أنا اتفاجئت زي أي حد، كنت بعمل مسلسل دهشة مع أستاذ يحيى الفخراني وابتديت اتعب شوية، وروحت لدكتور وحللت وأخدت علاج، وكل دا معرفش فيه ايه، وبعد 3 أشهر روحت عملت آشعة، طلع سرطان في المثانة".
وتابعت: "وإحساسي وقتها كان صدمة، وقعدت 3 أشهر اتعالج وفي أول شهر كنت مخضوضة، ومكنش فيه حد يعرف خالص غير أخويا، وبعد أول 3 جلسات عملتهم في المستشفى قالي لازم تشتغلي، وفعلا نزلت الشغل وركبت بروكة، ومقولتش خالص أني تعبانة".
وواصلت: "أنا إنسانة ضعيفة جدًا، وربنا هو أهم من كل حاجة، ودا اللي كنت بكلمه بس، وممكن لو قولت لحد يفتكر أني عايزة منه فلوس، واتعالجت، وكنت عملالهم جو جميل جدًا في المستشفى، وكنا بنهيص بليل".
وأكملت: "بعد ما اتعالجت روحت لجراح قالي لازم تشيلي المثانة وتركبي مثانة صناعية، بس قررت أني مش هعمل العملية بعد استخارة، وبعدها أخويا جاله سرطان في الدم وبنته كانت 10 شهور، وكانت حالته أصعب مني بكتير".
