حل الفنان عصام عمر ضيفاً على برنامج "صاحبة السعادة"، الذي تقدمه الفنانة إسعاد يونس عبر قناة dmc.
وتحدث عصام خلال اللقاء عن تجربة الهجرة لأمريكا، وقال: "بعد 6 سنين محاولات حسيت إن القاهرة مش مكاني، ومفيش ولا مشهد حصلت عليه، فقدمت على فيزا لأمريكا مع صديق عايش معايا في البيت وبيشاركني في دفع الإيجار، هو طلبه اترفض وأنا اتقبلت".
للخبر بقية في الأسفل.. ومن أخبارنا أيضاً:
وأضاف: "لمدة سنتين كان معايا فيزا لأمريكا ومش عايز أسافر، وبعد فترة من غير شغل حجزت تذكرة أون لاين وشيلت شنطة على ظهري و200 دولار في جيبي، وسافرت على الله".
وتابع: "اتصدمت في أمريكا بحاجات مكانتش على بالي، إن لو يوم عدى من غير شغل أموت".
وواصل: "فضلت كل يوم الصبح أنزل أدور على شغل وأرجع بالليل أنام، والفلوس خلصت واستلفت 100 دولار، لغاية ما صديق من ولاية تانية كلمني على شغل".
وعن أول يوم له في نيويورك، قال: "نزلت في حتة غريبة جدا، ولقيت ناس شايلين كاسيت بيرقصوا في الشارع وبيعاكسوا بنات، وكنت شغال في محل بدل، وأول يوم وصلت المحل كان في 3 ضباط مقتولين من فترة، وعرفت إنها من أخطر المناطق في نيويورك".
