حلت الفنانة عبير صبري ضيفة على برنامج "تفاعلكم" التي تقدمة الإعلامية سارة دندراوي، وكشفت عن كواليس أعمالها وغيرها من الأمور. وقالت: معنديش أخطاء لأن كل خطأ بتعلم منه فمبيعتبرش خطأ بس أكيد عندي حاجات في حياتي أندم عليها ولو فيه فرصة مكررهاش.
وتابعت: أنا زعلت إن أنا قلعت الحجاب وفي يوم من الأيام يمكن ربنا يكتبلي تاني إني البسه، وأؤمن بالصداقة بين الرجل والمرأة. وأضافت: فيه صور أكيد بيكون فيها فوتوشوب وتعديلات المصور اللي بيعملها.. وفيه صور تانية كتير بتصورها دون مكياج وبشكلي العادي.
للخبر بقية في الأسفل.. ومن أخبارنا أيضاً:
وأشارت: أنا مش بدافع عن ريهام حجاج هي مش محتاجة حد يدافع عنها هي جميلة وأنا بحبها وبننجح مع بعض، ونفسي اشتغل جدا مع أستاذ داوود عبدالسيد دي أمنية وحلم كبير بالنسبالي.
واختتمت: أنا زعلت من اللي أصالة قالته ومصر كلها زعلت كأنها بتقول إن مصر مقدمتلهاش حاجة وأنا كتبت بوست مهذب قولت فيه وجهة نظري وخلاص، وأنا عندي عيوب بس مع جوزي أنا معنديش عيوب وحنينة معاه جدا، وعمري ما عملت أي عملية تجميل".
يذكر أن آخر أعمال الفنانة عبير صبري مسلسل جميلة، بطولة كلا من: ريهام حجاج، سوسن بدر، عبير صبري، يسرا اللوزي، أحمد وفيق، هاني عادل، هشام إسماعيل، نبيل عيسى، ياسر على ماهر، عبير منير، رحمة حسن، ريم سامي، رحاب حسين، مدير التصوير وائل درويش، مهندس الصوت أحمد سمير، موسيقى تصويرية هاني عادل وهو من تأليف أيمن سلامة وإخراج سامح عبدالعزيز وإنتاج جمال العدل
