حلت الفنانة ميمي جمال، ضيفة برنامج "معكم" مع الإعلامية منى الشاذلي المذاع عبر شاشة قناة CBC، وتحدثت عن تفاصيل حياتها الشخصية ومشوارها الفني.
وقالت: تكريمي في مهرجان الزمن الجميل، زي حد بيطبطب على كتفك عشان يقولك شكرًا على المشوار الطويل اللي تعبت فيه.
للخبر بقية في الأسفل.. ومن أخبارنا أيضاً:
وتابعت: قضيت مع حسن مصطفى 40 سنة كزوجين، وبعد رحيله عن الحياة لم أستطع العودة للعمل وانقطعت عن الفن 6 سنوات وعدت مرة أخرى للتمثيل، بعد زواج بناتي الاثنين وشعوري بالوحدة.
وأضافت: ناس كتير كلموني على شغل ومنتج كان عاوزني في مسرحية كوميدى وقلتله جوايا مفيش ضحك وكل اللى جوايا حزن بس.
وأشارت: بعمل الأدوار اللي تليق عليا وأنا راضية عن نفسي، والحمد لله كل الأدوار كان فيها توفيق من عند ربنا، وعملت اللي أقدر عليه.
واستكملت: مريت بمراحل كتير صعبة من صغري فمثلًا وقت وفاة والدي كان عندي 5 سنوات، واشتغلت وأنا صغيرة في التمثيل عشان أساعد ماديًا لأن والدتي وجدتي يونانيات وستات بيوت بس، والحمد لله مرحلة وعدت واشتغلت فيها كويس.
وأوضحت: والدتي كانت رافضة عشان كان أكبر مني بـ 14 سنة، وكان أصلًا متجوز قبل كده وكان عنده بنت اسمها سمية.
وأختتمت:أصريت على الزواج من حسن مصطفى لأني ارتحت له جدًا، ولأن والدي توفى وأنا صغيرة ومحستش بالأبوة والحضن الدافي، وحسن كان بالنسبة ليا هو ده وكان بيسمعني لما اشتكيله وكنت مسنودة صح.
