حل الفنان حسين حجاج ضيفا على برنامج المنسي مع الإعلامية انجي هشام، وتحدث عن سبب رفضه للعمل مع المنتج أحمد السبكي.
وقال: رفضت الشغل مع منتج بسبب سلوكياته لأنها مش كويسة مع الممثلين عشان كده قررت مش هشتغل معاه تاني حتى لو هيديني بطولة.
للخبر بقية في الأسفل.. ومن أخبارنا أيضاً:
وتابع: مبيدفعش أجور كويسة وفي مرة كنت شغال معاه فيلم واتعودنا في شركات الإنتاج إننا تاخد ١٠ في المئه ولباقي في اللوكيشن إنما دا ممكن تروحيله الشركة وانتي مش عارفة هيدفعلك كام، عنده فهلوة ومبيحبش يدفعلك اللي انتي تستاهليه لازم أقل.
واضاف: اشتغلت معاه مسلسل وبعد سنتين اتصلوا بيا من فترة واحد قالي على فيلم قلتلوا مع مين قالي السبكي قلتلو لا مش هشتغل معاه تاني.
وكشف عن رأيه في الهجوم على الفنانة رحمة أحمد في مسلسل " الكبير ٧"، وقال: الهجوم عليها مش منطقي ، اللي عملته السنة اللي فاتت هي هي اللي قدمته السنادي، في ناس قالت بتسريع، وفي ناس قالت اوفر شوية وممكن تكون كانت كده فعلا لكن هي كمربوحه اللي الناس حبيتها وبقت نجمة.
وأضاف: متعرضتش للتنمر بسبب ادواري الناس بتحبني وبتشوفني في الشارع تقولي احنا بنحبك يا عم أشرف ده نجاح مش تنمر وانا مفيش حد يتجرأ يتنمر عليا.
وتابع: مفيش حد عمروا تنمر عليا الناس بتضحك معايا لكن تنمر لدرجة التنمر وانا أقف ساكت لا واللي عايز يتنمر هيفكر الف مرة قبل ما يفكر يتنمر عليا.
برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.
