حل مطرب الراب ويجز، ضيفا على برنامج ET بالعربي، وكشف عن رأيه في ردود الأفعال على أغنيته الجديدة ايه الدنيا.
وقال: في العادي لما حد بيقولي أغنيتي حلوة بتبسط لأن دي حاجتي اشتغلت عليها، ومفيش حد بيبقى راضي عن شغله مهما كان، وأنا عندي 90% وفيه 10% عايز ازودها كمان.
للخبر بقية في الأسفل.. ومن أخبارنا أيضاً:
وتابع: أنا مشغول جدا، إجازات بقى، وحاليًا أنا مركز أوي في موضوع الألبوم، ولسه بدري عليه، وبحس أني فخور بنفسي لما بلاقي حد تاني بيغني، وبحس أن المزيكا دي ابتدى يكون ليها شكل جديد، وناس جديدة بتطلع على طول بتعمل مزيكتها وبتعمل شكلها، ودا بيخليني أنا نفسي أسخن تاني.
وبسؤاله عن إمكانية مشاركته في عمل درامي بعد بيمبو: لسه ملقتش حاجة بس متحمس مش أكتر، وهي شغلانة بتاخد وقت كتير أوي، وبتحتاج من الشخص التزام وأنا مش ملتزم أوي اليومين دول، وإن شاء الله هلتزم.
يذكر أن آخر أعمال مطرب الراب ويجز، أغنية "الدنيا إيه" والتي طرحها عبر قناته بموقع الفيديوهات يوتيوب، وحققت الأغنية نجاحًا كبيرًا.
